ନଡ଼ିଆ ରସ ଚିଙ୍ଗୁଡ଼ି ପ୍ରସ୍ତୁତ

ଓଡ଼ିଆ ଘରେ ଚିଙ୍ଗୁଡ଼ି ଖାଇବାକୁ ସମସ୍ତେ ଭଲ ପାଆନ୍ତି। ଖାସ କରି ବଡ଼ ବଡ଼ ଚିଙ୍ଗୁଡ଼ିରେ ପ୍ରସ୍ତୁତି ହୋଇଥିବା ଖାଦ୍ୟ ଅତ୍ୟନ୍ତ ସୁଆଦିଆ ଅଟେ। ଆଜି ଜାଣିବା ନଡ଼ିଆ ରସ ଚିଙ୍ଗୁଡ଼ି ପ୍ରସ୍ତୁତି।

ଆବଶ୍ୟକୀୟ ସାମଗ୍ରୀ:
ବଡ ବଡ ଚିଙ୍ଗୁଡ଼ି,
ନଡ଼ିଆ ରସ,
ସ୍ୱାଦ ଅନୁସାରେ ଲୁଣ, ହଳଦୀଗୁଣ୍ଡ, ଲଙ୍କାଗୁଣ୍ଡ,
ବଟା ପିଆଜ, ବଟା ରସୁଣ,
ତେଜପତ୍ର, ଅଳେଇଚ ଗୁଣ୍ଡ, ଲବଙ୍ଗ ଗୁଣ୍ଡ, ଡାଲଚିନି ଗୁଣ୍ଡ,

ପ୍ରସ୍ତୁତି ପ୍ରଣାଳୀ:
ଚିଙ୍ଗୁଡ଼ି ଖୋଳପା ଛଡ଼ାଇ ଭଲ ଭଲରେ ଧୋଇ ସେଥିରେ ଲୁଣ, ହଳଦୀ ଓ ଟିକେ ତେଲ ଦେଇ ଗୋଳାଇ ରଖନ୍ତୁ। ଏବେ କଡ଼େଇରେ ତେଲ ଦେଇ ଗରମ କରନ୍ତୁ। ସେଥିରେ ତେଜପତ୍ର, ଅଳେଇଚ ଗୁଣ୍ଡ, ଲବଙ୍ଗ ଗୁଣ୍ଡ, ଡାଲଚିନି ଗୁଣ୍ଡ ସହ ବଟା ପିଆଜ ଓ ବଟା ରସୁଣ ପକାଇ ଗୋଳାଇ ଦିଅନ୍ତୁ। ମସଲା ଟିକେ ବାଦାମୀ ରଙ୍ଗ ହୋଇଗଲେ ସେଥିରେ ଲୁଣ, ହଳଦୀଗୁଣ୍ଡ, ଲଙ୍କାଗୁଣ୍ଡ ପକାଇ ଗୋଳାଇ ଦିଅନ୍ତୁ।

ଏହି ମସଲାରେ ଲୁଣ ହଳଦୀ ଗୋଳା ହୋଇଥିବା ଚିଙ୍ଗୁଡ଼ି ଗୁଡିକ ପକାଇ ଗୋଳାଇ ଦିଅନ୍ତୁ। ମଝିରେ ମଝିରେ ଘାଣ୍ଟି ଦିଅନ୍ତୁ। ଚିଙ୍ଗୁଡ଼ି ସିଝି ଆସିଲେ ନଡ଼ିଆ ରସକୁ ଢାଳି ଗୋଳାଇ ଦିଅନ୍ତୁ। ଟିକେ ସମୟ ରଖି ଓହ୍ଲାଇ ଆଣନ୍ତୁ।

ଆପଣଙ୍କର ପ୍ରସ୍ତୁତ ହୋଇଗଲା ନଡ଼ିଆ ରସ ଚିଙ୍ଗୁଡ଼ି

error: Content is protected !!